RENNPAPPE ASPHALTPICKEL PLASTEBOMBER


Der Drabbi Dübe 601 heesd deshalb 601 weiln 600 beschdelld ham unn nur eener haddn gegrischd. En Schbordwaachn machd mer draus, indäm mer n Baar Durnschuhe inn Gofferraum läscht. De absolude Hechsdgeschwindischgaid gonnde nich ausbrobierd wäärn in der DDR, ieberwiechend wegen der Schdrassenzuschdände. Der Schaibnwischer war manuell mid Vollaudomadig und Inderwallschaldung, noch lange bevoor die gabidalisdischn Wesdschdaadn des uff elegdronischm Wech versuchd haddn. Des Zwaidagtgemüsch beschdeehd aus Bensin unn Eel, was sisch im Dang vollaudomaadsch middenander vermüschd. Bai Dungelhaid werd des Lischd äbenso vollaudomadsch mid Hilfe von eenm Gombilischddrähschalder an egsbonierder Schdelle im Armaduurenbrädd eingeschalded. Die gesamde Däschnigg am Fahrzeich is so eenfaach wie meechlich gehaldn, um ooch unnerwächs Rebaraduurn of eenfache Aard un Waise durchfihrn zu gennn. Die Lieferzaid von bis zu 12 Jaahrn is so geschdalded, dass Verschdobfungen und Schdaus, wie se ausm Färnsehn vom Wesdn zu beobachdn sinn unn die Milliardn von Volgsvermeechn vernichdn, auf den Schdraasn unseres sozialisdischen Vaderlands nich vorgommn genn.

Alles Klar?
Immerhin stand in der Betriebsanleitung des Trabis was von richtungweisender, moderner Formgebung und ähnlicher Quatsch.